Hallet Mahshy
Ahmed Mekky Lyrics


خد يا واد حلة المحشي دي ووصلها لخالتك
مين فيهم ميار؟
خالتك ميرفت يا واد مش ميار
ميرفت، آه

نزلت الصبح أوصل حلة محشي لخالتي
ورق عنب، فلفل رومي وكرومب ويوستفندي
أول ما نزلت الشارع فوقت وفوقت من الزحمة
بين كل واحد و واحد واحد يا رب الرحمة
يا ترى الزحمة دي ليه؟
فيه حد وزع لحمة؟
بصيت في ساعتي لقيتها إثنين يا منجي من الكوارث
ساعة مرواح موظفين وخروج كل المدارس
زحمة وما فيش رحمة وكله على الكلاكس دايس
أصوات معجونة في بعض وأعلاها صفارة السايس
هات ورا يا كابتن

لازم آلاقي تخريمة، طريق قصير مختصر
أصلي متعسف تعسيفة نفسي أوصل وفي لمح البصر
أول طريق الطالبية وحلمي للمنيل أصل
قبل ما المحشي يبوظ في الحلة ويومي كله يروح هدر
قطع حبل أفكاري توك توك عرض تعريضة خطر
جيت أركب فيه، قالي إستنى ده أنا جاي أتغدى أضرب حجر
قلبي إنفطر، ده أنا عندي أموت أحسن من إني أفضل منتظر
وصلني وكُل ربع الحلة، وريتها له قام منبهر
ركبني وضرب الربع وخد أجرة وطرشي فلفل جزر
طول الطريق ياكل غرزة في صباع محشي في غرزة كسر
ييجي مية مراية عربية ويشتم بدل ما يعتذر
نهار أسود، مرقة المحشي في حجري، نزلني يا أسطى
يا برنس ما كنتش بجري الله
بيتك لبيت برودك

حلة محشي، حلة، حلة محشي لخالتي
خالتك ميرفت، ميرفت مش ميار
مش عاجبك إنزل إركب تاكس
طالما برنس أوي في نفسك
زباين آخر زمن

ونزلت ع الناصية نطيت في ميكروباص للجيزة
مكتوب عليه برنس الليالي ومزيكته لذيذة
سواقه سيس وحاطط في خرم ودنه بريزة
ومطول ضافره الأخراني قذارة بالغريزة
ركبت جنبه قال لي، إيه اللي في حجرك ده يا كابتن
قلت له محشي، قال لي تجيب صباع ولا هتنتن
رفع نضارة الشمس، عينه حمرا وشكله مبرشم
دب إيديه في الحلة وهو بيغني ويدندن
بيقلب في المحشي بإيديه ويفعص فيه ويشمشم
قال لي مش واكل ده مجلد ساقع لازم يتسخن
هات يا إبن والدي يوستفندي، إديته قام متفنن
ياكل ويطرطش غرقني بقيت قاعد متعكنن
مهما يتف البذر بعيد يخبط فيّ كإنه منشن
ووصلنا الموقف جيت أنزل قالي خد خد هتصهين

هات الأجرة يا إما هفتح مطوة عليك وأتجنن
إنت قد الكلام ده يا أسطى؟
آه، قده، قده، قده
ولا تعرف تعمل معايا حاجة

شفايفي إتشققت من الوقفة في الشمس بستنى
أوتوبيس المنيل هو حلمي وطموحي وما أتمنى
أول ما شفته فرحت فرحة واحد داخل جنة
قرب شوية إكتشفت إنه إستحالة أتهنى
من الزحمة الناس باظة من الباب بظة علبة سردين
إرحمنا برحمتك يا مثبت العقل والدين
نطيت جواه من كتر الزق لزقت في ضهر ولية
ضخمة وتخينة ولفت بصت بصة مفترية
وبعلو صوتها، إلحقوني شاب إتحرش بيّ

كل الناس مسكت في خناقي، تقولش وقعت في أعدائي
لو كنت في قسم كانوا إدوني فرصة أدلي بأقوالي
وفي وسط الظيطة ببص لقيت الكمسري قام ضرب الباقي
هربان بالباقي، مية الجنية إديتهاله وإتشلت أعضائي
إتحول شاب إتشقلب نط من باب الأوتوبيس بالباقي
فجأة ما لقيتش الحلة، صرخت وقلت أين أشيائي
فلمحت واحد نازل فيها حش ويعزم على الباقي
كرهت من قلبي البشر ده فعلاً كائن غوغائي
يا ريتني كنت أي كائن ثاني بري أو مائي
فجأة إتشنجت وهنجت تهنيج الضرب الكيميائي
الضرب الكيميائي

نازل أوصل حلة محشي لخالتي
خالتك ميرفت، ميرفت مش ميار
حد يا إبني ينزل ساعة الضهرية
يا ريتني موصل جمبري إستاكوزا أو كافيار

قلعت ملط، واقف بلبوص جنب الرصيف
بنظم المرور تحت أشعة شمس الصيف
بعوي وأكاكي، ساعات بجري وأنونو
وأنقر الناس في الشارع زي طير السنونو
زي السنونو
زي السنونو
آه يا سنونو

Lyrics © O/B/O APRA AMCOS
Written by: Adam El Sherif, Ahmed Mekky

Lyrics Licensed & Provided by LyricFind
To comment on specific lyrics, highlight them
Genre not found
Artist not found
Album not found
Song not found
Most interesting comment from YouTube:

lala land

خد يا واد حلة المحشي دي ووصلها لخالتك
نهين فيهم .. ميار ؟
خالتك ميرفت يا واد مش مياار
ميرفت ..ااه

نزلت الصبح اوصل حلة محشى لخالتى
ورق عنب وفلفل رومي وكرومب ويوسفندى
اول ما نزلت الشارع فوقت وفوقت م الزحمة
من كل واحد و واحد واحد ويارب الرحمه
ياترى الزحمة دي ليه .. في حد وزع لحمة ؟

بصيت في ساعتي لقيتها اتنين يامنجى م الكوارس
ساعة مرواح موظفين وخروج كل المدارس
زحمة وما فيش رحمة وكله ع الكلاكس دايس
اصوات معجونة في بعض واعلاها صفارة السايس هات ورا يا كابتــــــن

لازم الاقي تخريمة طريق قصير مختصر
اصلي متعسف تعسيفة نفسي اوصل وف لمح البصر
اول طريق الطلبية وحلمى للمنيل اصل
قبل ما المحشى يبوظ فى الحلة ويومى كله يروح هدر
قطع حبل افكاري تكتك عرض تعريضة خطر
جيت اركب فيه قالى استنى دا انا جاى اتغدى اضرب حجر
قلبي انفطر دا انا عندى اموت احسن مني افضل منتظر
وصلنى وكل ربع الحلة وريتهاله قام منبهر
ركبنى وضرب الربع وخد اجره وطرشي وفلفل جزر
طول الطريق ياكل غرزة فى صباع محشي في غرزة انكسر
يجي 100 مراية عربية ويشتم بدل ما يتعزر
نهار اسود .. مرئة المحشى فى حجري .. نزلنى ياسطى
يابرنس ما كنتش بجري .. الله... بيتك لبيت برودك

حلة محشي .. حلة محشي لخالتى .. خالتك ميرفت ميرفت مش ميار

مش عاجبك انزل اركب تاكس .. طالما برنس اوى ف نفسك
زباين اخر زمن

ونزلت ع الناصيه نطيت في مكروباص للجيزه
مكتوب عليه يا برنس الليالي ومزيكتوا لذيذه
سواق وسيس وحاطت في خرم ودنوا بريزه
ومطول ظفره الاخراني قذاره بالغريزه
ركبت جمبوا قالي ايه الي في حجرك ده يا كابتن
قولتلوا محشي قالي تجيب صوباع ولا هتنتن
رفع نظارت الشمس عينوا حمرا وشكلوا مبرشم
دب ايديه في الحله وهوا بيغني ويدندن
بيقلب ف المحشي بإديه ويفعص فيه ويشمشم
قالي مش واكل ده مجلد ساقع لازم يتسخن
هات يا ابن والدي يستفندي اديتوا راح متفنن
ياكل ويطرطش غرقني بقيت قاعد متعكنن
مهما يتف البذر بعيد يخبط فيا كانوا منشن
ووصلنا الموقف جيت انزل قالي خد خد هتصهين
هات الاجره يا اما هفتح مطوه عليك واتجنن
انت قد الكلام ده يا اسطي .. اه قدوا .. ولا تعرف تعمل معايا حاجه

شفايفي اتشققت من الوقفه في الشمس بستني
اتوبيس المنيل هو حلمي وده طموحي وبتمني
اول ما شفته فرحت فرحت واحد داخل جنه
قرب شويه اكتشفت ان استحاله اتهني
من الزحمه الناس بظه من الباب بظة في علبة سردين
ارحمنا برحمتك يا مثبت العقل والدين
نطيت جواه من كتر الزق لزقت في ظهر وليه
ضخمه وتخينه ولفت بصت بصه مفتريه
وبعلو صوتها .. الحقوني شاب اتحرش بيا

كل الناس مسكت في خنائي تقولش وقعت في اعدائي
لو كنت في قسم كانوا ادوني فرصه ادلى باقوالي
وفي وسط الظيطه لقيت الكمسري قام ضرب الباقي
هربان من باقي 100 جنيه ادتهالوا اتشلت اعضائي
اتحول شاب اتشقلب نط من باب الاتوبيس بالباقي
فجاه ملقتش الحله صرخت وقلت اين اشيائي
لمحت واحد نازل فيها حش ويعزم ع الباقي
كرهت من قلبي البشر ده فعلا كائن غوغائي
يا رتني كنت اي كائن تاني بري او مائي
فجاه اتشنجت وهنجت التهنيج الضار الكيميائي

نازل اوصل حله محشي لخالتي
خالتك ميرفت ميرفت مش ميار
في حد ياابني ينزل ساعه الضهريه .. يا رتني موصل جمبري استكوزه او كفيار

قلعت ملط واقف بلبوص جمب الرصيف
بنظم المرور تحت اشاعه شمس الصيف
بعوي وكاكي ساعات بجري ونونو
و انقر الناس في الشارع زي طير السنونو .. زي السنونو .. زي السنونو .. اه يا سنونو



All comments from YouTube:

tomi mohamed

2021 حد هنا 😂😂

شاعر القصيدة

وبعيد الألبوم كله😂😂❤️

tomi mohamed

@Omar Reda 😂😂

Omar Reda

امي قالتلي هات محشي من عند تيتا افتكرت الأغنية

Youssef gaming

@yehia hamdy وأنا كمان 😂

yehia hamdy

شهر6 كمان

2 More Replies...

Mostafa gwada

الي جي من اغلي من الياقوت وبسترجع الذكريات يخبط لايك 😂

Sara Sayed

أنا متخيله السناريو في دماغي وبموت من الضحك 😂

وائل الاهلاوي

كلنا كده 😂

libyan loyal

تك تك عرض تعريضة خطر

More Comments