Dounia
Muslim Lyrics

بعض الساعات كتبان لك باللي الدنيا بحال كتضحك لك
من بعد كتصدم كتجبر باللي كانت تضحك عليك
هذه هي الدنيا الخاوة ديالي
غير وش وكذوب وبن آدم مزروب

ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب راها الدنيا فانية
ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب نفوسنا ما باغية توب راها الدنيا فانية

هكذا عايشين في هاذ الدنيا حتى واحد ما هاني من الهموم
كل واحد فينا عنده سطوريا
عندك مشكل كين البوبري عنده كدية
شكون يحس بشكون بشر و لا الدنيا؟
جاريين مور الدنيا فحال لي عمرها تولي فانية
فحال مورا الموت عنرجعوا لها مرة ثانية

العمر يجري لقدام بلعام و الثانية
يا اللي بنيتوا القصور القبور كاملة حامية
بنادم تالف في الظلام في يده شمعة طافية
فين طريق النور؟ فين طريق العافية؟
العيون ديالنا عمات ملي القلوب ولات عامية
القلوب ديالنا عمات ملي اللقمة ما بقات صافية
ما بقى حد يقنع بحلال ياكل خبزة حافية
كلشي ديالنا تخلط كلشي ولا هانية
ما بقى لا حيا لا وقار أخلاقنا ولات دانية
بعنا كلشي و الدنيا هي الشارية

ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب راها الدنيا فانية
ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب راها الدنيا فانية

الناس ما بقات تشبع و حتى حاجة ما كافية
ولينا ناكلوا في بعضنا الرحمة كلمة بالية
خسرنا كل نفيس ملي الدنيا ولات غالية
خسرنا مع إبليس بالضربة القاضية
ما بقيناشي نسمعوا ملي تغني العين الباكية
ما بقيناش نحسوا باللي كوى لقلوب الشاكية
كل واحد فينا بنى على راسه حيوط عالية
ما بقى يد حنين يضمك للأحضان الدافية

ولينا قباح من الشر فحال الحجر حروفنا ماضية
العفة الرجلة حتى حاجة ما ساوية
شوف فين وصلنا وفين الدنيا بينا ماشية
ماشية للجحيم وحنا دابة غير في الحاشية
فقاش عنفيقوا نعرفوا باللي راها راشيا
قرب يفوت الفوت و عيونا باقية مغاشية
حيث باقة ما فنات يعني الفرصة باقية
خسنا نرجعوا للدين و نقراو الحروف الشافية

ماله بن آدم غير مزروبجاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب راها الدنيا فانية
ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب راها الدنيا فانية

ما بقى حد فينا يقد على نفسه الطاغية
غرقنا في الذنوب شني باقة باغية؟
كنعوموا في المعاصي وكل مرة شني شاهية
الشياطين زوقوا الدنيا و ردوها زاهية
الراجل ما بقى كبف ما كان معروف بالنفس الحامية
ملي خلى المرة تمشي بين الناس عارية

ما بقى حد يربي أولاده على الأخلاق السامية
كلشي ولّى فلوس و المبادئ ما بقات عاطية
شوف المحاكم بين الخوت والحروب الدامية
شوف وجه أي أم عتجبر دمعة جارية
ذرية طلعت عاصية؟ ولّى الحياة قاصية؟
ولّى ملي كانوا صغار كانت الدنيا مفافية
كيف اليد تزرع الشوك إذا كانت هي الجانية؟
يمكن سقات لبذور بلا ما تسفي الساقية
الكذوب و النفاق و الخيانة بطرق راقية
هاذي هي الدنيا والنهاية ديالها بادية

ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب راها الدنيا فانية
ماله بن آدم غير مزروب جاري مور السراب والكذوب
و الحياة ماشة جارية جمعنا فيها غير الذنوب
نفوسنا ما باغية توب وراها الدنيا فانية
ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب راها الدنيا فانية
ماله بن آدم غير مزروب جاري مور السراب و الكذوب
و الحياة ماشة جارية جمعنا فيها غير الذنوب
نفوسنا ما باغية توب و الدنيا راها فانية