Tkhawfni
Shamma Hamdan Lyrics

تخوفني مشاوير الطريق المظلم المهجور
ولامني ذكرتك قلت طولي يا مشاويري
عزاي إنك رجاي العذب لو كل الدروب عثور
وصلت أو ما وصلت أعرفك ما إنت منتظر غيري

حبيبي وكل الله لا تحسب إني بليد شعور
لو إنت المستحيل الصعب ما أبدي لك معاذيري
أحبك رغم تجريح الليال لقلبي المقهور
أشوف الجرح يكبر وإنت تكبر وسط تفكيري
أحبك لو يموت الحب وتصير القلوب قبور
أحبك كلمة لو حرموها حل تكفيري
أحبك من هنا حتى طلوع الفجر حد النور
صحيح إنك قدر محتوم بس أجمل مقاديري

أحد ربي يحطك له حبيب وما يجيه غرور
وأنا مهما بغيت أستوعبك يا قل تقديري
بعذر اللي يحبك لو يصير العاشق المشهور
أنا ليه ألتفت للناس وعيونك جماهيري

أثر صدق الغلا يجبر حطام الخاطر المكسور
وأنا مهما منحتك من غلاي أشعر بتقصيري
ولو طالت مشاوير الطريق المظلم المهجور
أنا لا من ذكرتك قلت أحبك يا مشاويري

تخوفني مشاوير الطريق المظلم المهجور
ولامني ذكرتك قلت طولي يا مشاويري
عزاي إنك رجاي العذب لو كل الدروب عثور
وصلت أو ما وصلت أعرفك ما إنت منتظر غيري